Mkoa wa Dodoma ni kati ya Mikoa yenye asili ya wafugaji na mifugo mingi hapa Tanzania. Kwa kuzingatia hili, Mradi wa uendelezaji masoko ya mifugo ulijenga machinjio ya kisasa mjini Dodoma katika eneo la Viwanda.
Machinjio hayo yana uwezo wa kuchinja ng’ombe 300, mbuzi na kondoo 200 kwa siku. Uwepo wa machinjio hayo yamesababisha kuwepo kwa mahitaji makubwa ya mifugo bora kwa ajili ya nyama na mazao mengine yatokanayo na mifugo.
Hii imesababisha kuibua fursa zifuatazo:-
Uwekezaji katika kuboresha uzalishaji wa mifugo ya asili.
kuanzisha mashamba ya uzalishaji, unenepeshaji na uhamilishaji mifugo.
Kusindika na kufungasha nyama kwa ajili ya soko la ndani na kuuza nje ya nchi (mf. Nchi za ghuba, Falme za kiarabu, Asia, nk)
Kuanzisha viwanda vya kusindika na kutengeza bidhaa za ngozi, gundi itokanayo na pembe na kwato za wanyama, vyakula vya mifugo vitokanavyo na damu na mifupa.
