Mkesha wa Mwenge wa Uhuru wanoga Chang'ombe

Imewekwa tarehe: August 15th, 2019

Ni saa nane kasoro usiku hapa kwenye uwanja wa Shule ya Msingi Chang'ombe ambapo kunafanyika mkesha wa Mwenge wa Uhuru. Mamia ya wakazi wa jiji la Dodoma wamejitokeza kukesha na kushiriki burudani.

Burudani mbalimbali zinaendelea na wasanii kadhaa wamejumuika akiwepo 'Msagasumu', bendi ya Skyway, 'Dangote wa Chang'ombe' , DJ wa AFM na wengineo.

Muziki wa dansi, bongo freva na mingineyo inawafanya watu kufurahia mkesha huu.

Viongozi mbalimbali pia wapo hapa akiwemo Mkuu wa Wilaya ya Dodoma Mjini Patrobas Katambi, Mbunge wa Dodoma mjini Mhe. Anthony Mavunde, Mstahiki Meya wa Jiji la Dodoma Prof. Davis Mwamfupe, Naibu Meya Emmanuel Chibago, Mkurugenzi wa Jiji Godwin Kunambi, madiwani wa jiji la Dodoma, wakuu wa Idara na Vitengo wa jiji la Dodoma, na wananchi wa jiji la Dodoma. 

Baadhi ya wakuu wa idara na vitengo wakishiriki mkesha hapa Chang'ombe.